തേജസ്വിനിയുടെ കുഞ്ഞോളങ്ങളെ തഴുകിക്കൊണ്ട് ആട്ടവും പാട്ടുമായി ഒരു സുദിനം.സർവീസിന്ടെ അവസാനനിമിഷവും ആസ്വാദ്യകരമാക്കുന്നതിനായി സഹപ്രവർത്തകർഒരുക്കിയസ്നേഹവിരുന്ന്,എല്ലാവർക്കുംഒരുപോലെ ആനന്ദകരമായ നിമിഷങ്ങൾ സമ്മാനിച്ചു.
ഞങ്ങളുടെ പ്രിയങ്കരനായ സാരഥി പ്രദീപ്ചന്ദ്രൻ മാഷിനും സഹാദ്ധ്യാപിക മേരി ടീച്ചർക്കും സഹപ്രവർത്തകർ നൽകിയ സ്നേഹോഷ്മളമായ യാത്രാമംഗളം.വേറിട്ട ഒരനുഭവം
നീലേശ്വരം കോട്ടപ്പുറത്തുനിന്നും "സ്നേഹതീരം"ഹൗസ്ബോട്ടിൽതൈക്കടപ്പുറം,ആയിറ്റി,മടക്കരഹാർബർ,ഓരിക്കടവ്,വലിയപറമ്പ,കന്നുവീട് കടപ്പുറം വരെയുള്ള യാത്ര മറക്കാനാവാത്ത ഒരു അനുഭവം തന്നെയാണ്.കായലിന്റെ ഇരുപുറവുമുള്ള തെങ്ങിൻതോപ്പും തൂക്കുപാലവും മേല്പാലങ്ങളും കടന്ന് പുലിമുട്ടും അഴിമുഖവുംദർശിച്ച് മന്ദമാരുതൻടെ തലോടലേറ്റുകൊണ്ട്,പല ഈണത്തിലുമുള്ള പാട്ടുകൾക്ക് ചുവടുവച്ചുകൊണ്ടും ഉള്ള യാത്ര എല്ലാവർക്കും ഹൃദ്യമായ ഒരു അനുഭവമായി.
പ്രദീപ്മാഷിനുംമേരിടീച്ചർക്കുംഓരോ സ്നേഹോപഹാരംസമ്മാനിക്കുകയും സേവനാനന്തരകാലംകൂടുതൽസന്തോഷപ്രദവും ഐശ്വര്യമുള്ളതും ആകട്ടെ എന്ന്,എല്ലാവരും ആശംസകൾ നേരുകയും ചെയ്തു.
