ലോക ജന സംഖ്യാ ദിനാചരണം സംഘടിപ്പിച്ചു.
തെക്കിൽ പറമ്പ : ലോകത്ത് ജന സംഖ്യ ക്രമാതീതമായി വർദ്ധിച്ചാൽ ഉണ്ടാകുന്ന വിപത്തുകളെ തുറന്നു കാട്ടി ജനസംഖ്യ ദിനാ ചരണം സംഘടിപ്പിച്ചു. പ്രതീകാത്മകമായി ഉണ്ടാക്കിയ ഭൂമിയിലേക്ക് ജനസംഖ്യയെ പറ്റിയുള്ള വിവരങ്ങൾ അവതരിപ്പിച്ചു കൊണ്ട് കുട്ടികൾ കയറി നിന്നു. ഇത്തരത്തിൽ കുട്ടികളുടെ എണ്ണം കൂടിക്കൂടി വന്ന് നമ്മുടെ മാതാവായ ഭൂമിക്കു താങ്ങാനാവുന്നതിലും അപ്പുറമായപ്പോൾ ഭൂമി നിലവിളിച്ചു കൊണ്ട് തകർന്നു പോകുന്നത് ഡോക്യൂ ഡ്രാമ രൂപത്തിൽ അവതരിപ്പിച്ചത് പ്രേക്ഷകർക്ക് പുതിയൊരനുഭവമായി. തെക്കിൽ പരമ്പ ഗവണ്മെന്റ് യു പി സ്കൂൾ സാമൂഹ്യ ശാസ്ത്ര ക്ലബ്ബിന്റെ നേതൃത്വത്തിലാണ് ഇത്തരത്തിൽ പുതുമയാർന്നൊരു പരിപാടി നടന്നത്. ഹെഡ് മാസ്റ്റർ രാധാകൃഷ്ണൻ മാസ്റ്റർ, അധ്യാപകരായ ഭാരതി ടി എം, ഗംഗാധരൻ എൻ, ടി കെ ശ്രീധരൻ എന്നിവർ സംസാരിച്ചു.